派對小食精選
菠蘿腸仔已經OUT
酥皮盒、生酮美食最夠潮
2023年雖然已過了一半，但開派對的理由依然一籮籮，百日宴、生意促成、父母生日、入學成功、節日慶祝、告別單身，讓一班人開心地聚在一起，就是派對最重要的目標。不過今時今日的派對美食，單單整菠蘿腸仔又點能滿足至潮一族? 要打造至潮派對，就更係要的的骰骰的一口酥皮盒以及近年最HIT的生酮美食啦。
派對是否成功，精髓在於食物。小學生的派對，有菠蘿腸仔，雜果賓治，已經樂上半天，但講究生活的我們，又點會滿足？其實可以根據派對的主題，來選擇合乎心意的食物，不想煩惱，安排餐飲到會公司負責，會係最好的選擇。
之前因為疫情，大型宴會都轉為小型酒會，更逐漸成為潮流，因為在時間管理上更易掌握，場地及食物質素亦有保證，兼且感覺更溫馨。例如邀請大約50 位客人的小型婚禮，在露天場地宴客，到會公司可以因應新人的要求，度身設計精緻的一口小食如酥皮盒(Vol-au-vent)、迷你漢堡，甚至是目前流行的素食或生酮飲食，都可以提供。
選擇到會食物，仲有很多學問要留意，例如遊船河，建議以小食為主，例如雞串、雞翼、魚腐金磚及墨魚餅等香口的細細件小食，惹味又食得輕鬆。反而太過大件飽肚應避免，以免腸胃突然敏感。
仲有，近年派對食物都非常講究「健康」，下次搞生日會或大食會時，不妨來一場「生酮」派對。「生酮」的意思是產生酮體，因為生酮飲食限制了碳水化合物的攝取量，而當身體無法製造足夠葡萄糖來提供能量時，身體就改以分解脂肪所產生的酮體來作為替代能源。簡單來說，生酮飲食等於幾乎不能吃米飯、麵食、麵包等碳水化合物，改以肉類、芝士、奶油、油質、堅果等高脂肪與蛋白質食物為主。
喜歡「生酮」的你，燒春雞、無骨咸豬手、德國肉腸、意式肉丸或燒美國黑安格斯西冷，就最適合不過；如果是素食者，日式炒雜菜、芝士焗西蘭花野菌、黑松露野菌炒飯、意式脆餅及雞心豆青瓜粟米藜麥沙律，亦十分適合。
愈來愈多派對都轉用到會公司服務，一來可以有齊中西合璧美食，可以照顧所有來賓的口味，二來份量容易控制，例如牛扒、肉腸等，可以預先切件，令嘉賓食得開心輕鬆有儀態，也不會因為吃多了而有罪惡感，最重要能減低浪費食物的機會。
香港中文 
English